Përmirësimi i imunitetit, qarkullimi i gjakut, çlirim i stresit, qartësia dhe vigjilenca mendore , janë disa nga përfitimet nga një dush i ftohtë. Por a mjaftojnë ato për të na bindur të lahemi me ujë të ftohtë çdo mëngjes?
Rasti i dusheve të akullta është vënë në qendër të një studimi të fundit të realizuar në Holandë. Sipas tij, pjesëmarrësit të cilët u lanë me ujë të ftohtë në fund të dushit e tyre, u shëruan më shpejtë nga sëmundjet dhe merrnin më pak ditë pushim në punë se sa ata të cilët bënin dushe të zakonshme.
Nga 3 mijë njerëz që morën pjesë në studim, dy e treta zgjodhi të vazhdonte të bënte dushe të ftohta pasi i rriste nivelin e energjisë aq shumë sa një kafe e fortë.
Ndërkohë një dokumentar i BBC “The Doctor Who Gave Up Drugs”, tregon se si Dr Chris Van Tulleken arriti të trajtonte një paciente që vuante nga depresioni, duke përdorur pikërisht këtë teknikë.
