Pse duhet ta lëmë atë pa rregulluar? Sipas shkencës ka një arsye të mirë.
Rregullimi i shtratit në mëngjes është rregulli i parë i pashkruar në jetën tonë. Ju bën më të zellshëm dhe është qëllimi i parë i suksesshëm i ditës. Kështu jemi rritur, kështu jemi edukuar dhe disa gjëra nuk duhet të ndryshojnë.
Apo është koha për të rishqyrtuar? Sipas një sondazhi të fundit, ne duhet të harrojmë atë që dimë deri më sot. Siç raporton Metro, në asnjë rrethanë nuk duhet të rregullojmë shtratin sapo zgjohemi dhe ngrihemi prej tij. Sidomos në ditët e nxehta të verës, konsiderohet e ndaluar.
Në ditët e nxehta, një i rritur mesatar humbet rreth 285 ml lëngje gjatë gjumit, të cilat shkojnë në dyshek dhe çarçafë. Që do të thotë se automatikisht, duhet t’u lëmë një periudhë të mjaftueshme kohore për të “marrë frymë” dhe që lagështia të avullojë.
Në të njëjtën kohë, nëse e rregullojmë menjëherë, do të bllokojmë aty marimangat e pluhurit që janë mbledhur gjatë natës.
Së fundi, vlen të theksohet se nuk do të thotë që nuk duhet të rregullojmë shtratin menjëherë, thjesht mund ta bëjmë në një moment tjetër të ditës.
