Besojeni apo jo, kanë kaluar gati pesë vjet që kur vampirët e sagës “Twilight” na mbërthenin para ekranit me historinë e dashurisë Bella-Eduard.
Historia e tyre duket se u mbyll me “The Twilight Saga: Breaking Dawn – Part 2”, por së fundi kanë dalë zëra se filmi mund të rikthehet.
Sipas bashkëdrejtorit të studios së filmave “Lionsgate”, Patrick Wachsberger, kjo nuk është jashtë mundësive:
“Ka një mundësi. Nuk është e sigurt, por gjithsesi është një mundësi. Gjithçka varet nga Stephenie [novelistja Stephenie Meyer]. Nëse ajo dëshiron të tregojë një histori në lidhje me këto personazhe ne jemi të gatshëm për të”.
Në një intervistë për “ScreenDaily”, Patrick Wachsberger pranoi se gjithçka është në duart e autores Stephenie Meyer-it në lidhje me një tjetër pjesë të “Twilight Saga”.
Nëse Meyer dëshiron të vijojë historinë atëherë “Lionsgate” do të jetë aty për ta mbështetur me një vendim të tillë. Nëse Stephenie Meyer do të donte të sillte pjesë nga historia e Edward dhe Bella disa vite pas ngjarjeve të “Breaking Dawn – Part 2”, nuk do të ishte tmerrësisht e vështirë për të.
Burimi: Cinemablend
