“Sex and the City” na ka dhënë disa leksione të vlefshme jete përgjatë viteve – takimet janë të lodhshme dhe nëse të ka shkrepur në kokë për ish-in e shoqes/shokut, është e rëndësishme të mallkosh ditën që kanë lindur.
Gjithsesi kemi një lajm të mirë për fansat e katër vajzave, Carrie, Samantha, Miranda dhe Charlotte mund të bëjnë një rikthim sërish, gjashtë vite pasi “Sex and the City 2” u shndërrua në një sukses. Disa femra thjesht është e thënë që mos të zbuten…
Sarah Jessica Parker deklaron: “Asnjëra nga ne nuk ka thënë jo. Nuk e di nëse do jetë serial apo film. Unë mendoj se mbetet një çështje e hapur dhe diskutimet do të vazhdojnë deri sa kjo gjë të zgjidhet përfundimisht”.
Aktori Willie Garson (Stanford) ka pohuar se nuk përjashtohet një mundësi të tillë. “Di që Sarah Jessica Parker dhe Michael Patrick King kanë një ide për një histori, por unë nuk jam në dijeni. Çdo herë që ne diskutojmë për ndonjë mundësi të tillë, tregohemi të pacipë!”.
I pyetur nëse do të donte të bënte një film të ri, Garson pranoi se do të donte të bënte qindra filma të tillë. Pyetjes se përse “Sex and the City’” ka mbetur një film që pëlqehet nga të gjithë edhe pas 18 vitesh, aktori Ëillie Garson iu përgjigj: “Njerëzit mund ta dinë, por edhe mund të mos e dinë se ky film flet për lidhjet midis njerëzve dhe për dashurinë. Njerëzit nuk e kuptojnë këtë kur janë duke e parë filmin pasi ata janë të përqendruar tek rrobat e bukura, apo situatat gjithë humor e të çmendura, por në të vërtetë, ky film flet për lidhjet njerëzore”.
Pyetjet që na lindin janë se si do t’i shohim katër personazhet? Cila do të jetë historia e tyre dhe cili do të jetë mësimi i radhës?
Burimi: Digital Spy
