Ndërkohë që vazhdon bojkoti i mësimit, kryeministri Edi Rama vendosi të prezantonte sot “Paktin për Universitetin”, në një mbledhje të përbashkët me ministrat e rinj të sapo dekretuar, pedagogët dhe studentët.
Ministrja e re e Arsimit, Besa Shahini, nuk mund të mungonte në këtë takim, ku sqaroi disa nga pyetjet e shkruara në portalin e hapur për studentët.
Një nga pyetjet ishte nëse mund të përfitojnë bursë studentët me provime të mbartura.
Ministrja u përgjigj: “Jo nuk përfitojnë. Një student ekselent duhet t’i ketë të mbyllura të gjitha detyrimet”.
Shahini u ndal gjithashtu edhe te pyetja e një studenteje, e cila donte të dinte nëse duhet të aplikonte në Bashki për bursë.
Ministrja theksoi se, Këshilli Bashkiak është përjashtuar nga përzgjedhja e bursave për studentët.
