Pasi vitin e kaluar bëri bujë të madhe me një fustan të Marilyn Monroe dhe shoqërimin nga ish-partneri Pete Davidson, po flitej se Kim mund të mos marrë pjesë këtë vit në ceremoninë e “Met Gala”.
Në listën e madhe të të ftuarve nga Anna Wintour, shefja e Vogue, askush s’kishte lexuar emrin e Kim apo të ndonjë pjesëtareje tjetër nga familja Kardashian.
Megjithatë, duket se Kim do të na surprizojë sërish, sepse burimet tregojnë se ajo do të marrë pjesë në “Met Gala” edhe këtë vit. Me siguri, ajo po përgatitet të na lërë sërish pa fjalë me look-un e radhës.
Mendohet se ajo s’do të jetë e vetmja e familjes Kardashian në ceremoni, por mund të shoqërohet edhe nga Kendall Jenner.
Vitin e kaluar, Kourney dhe Khloe morën pjesë për herë të parë në ceremoni, ndërsa vajzat e tjera Kardashian kishin qenë edhe më herët.
Rikujtojmë se Kim ishte pjesëmarrëse për herë të parë në vitin 2013, me ish-bashkëshortin Kanye West.
