Reperi Gjiko dhe Elita Rudi janë një nga çiftet më të dashura për publikun shqiptar, pasi kanë fituar zemrat e të gjithëve me dashurinë dhe çiltërsinë e tyre.
Elita ka qenë pjesë e një intervistë për T7, ku ndër të tjera ka folur edhe për fëmijën e 3. Elita tha se e ka mbyllur këtë kapitull dhe se tashmë është koha të fokusohet te puna.
“Marrëdhënia me Gjikon ka ndryshuar se nuk është njësoj si mos të kesh përgjegjësi dhe detyrime dhe si të jesh prind. duhet të zgjohesh kur zgjohet fëmija, të mendosh për të ardhmen, të shfrytëzosh çdo gjë dhe shumë anë të tjera. Nuk je më ti në vend të parë. Unë e kam përfunduar me fëmijët. Nuk ka një beb numër 3. I them bashkëshortit tim publikisht ‘Jo’. Jam shumë e përmbushur dhe jam gati të shfrytëzoj energjinë time në një dashur të vjetër, siç është televizioni.”– tha Elita
Elita na ka treguar dhe për lidhjen e saj me Gjikon. Ajo tha se ishte shqetësuar se çfarë do i thoshin prindërit sepse ata nuk ishin në dijeni të lidhjes kur ajo u bë publike.
“Nuk isha gati ta bëja publike lidhjen kur u zbulua nga mediat. Doja të isha shumë e sigurt që jemi bërë për njëri-tjetrin, para se ta bënim publike. Ishim nisur me pushime dhe na fotografuan në aeroport. Kur i kam parë lajmet, mu prish humori fare. Thashë ‘Çfarë do i them mamit dhe babit’ se ata nuk e dinin. Vetëm dridhesha. Ne dolëm në takime një herë, sepse nuk e dija nëse doja ta kisha shok apo të dashur Asdrenin. Pas 6 muajsh njohje bëmë udhëtimin e parë, se kishim shumë presion në Prishtinë.”– tregoi Elita.
“Raportet me nënën e Gjikos i kam shumë të mira. Jemi si shoqe. Kur ulemi të bisedojmë, nuk e llogaris se po flas me vjehrrën. E kupton shumë botën dhe është shumë e mirë. E konsideroj edhe si nënë. Ajo nuk ka patur vajza, dhe ne jemi bërë si vajzat e saj. Edhe na ndihmon shumë.”, ka treguar Elita, e pyetur për raportet me nënën e Gjikos
“Kam patur oferta nga Shqipëria, por nuk mundem të shkoj atje. Është sakrificë e madhe. Dhe nuk mund të ndryshojë rrjedhën e jetës, as për vete as për familjen. Nuk do doja një projekt që ka lidhje me showbizin. Nuk ndihem sikur mund tu bëjë pyetje provokative të ftuarve.”
Pati zëra se Elita po e mendonte mundësinë e të qenit moderatore në “PërPuthen”, por diçka e tillë u mohua, pasi Elita shtoi se nuk mund ta bëjë një sakrificë të tillë.
“Ka patur shumë thashetheme. Por, vendimi im është marrë dhe unë do qëndroj në Kosovë. Për mua është shumë e rëndësishme familja, kështu që këtu do qëndroj.”
