Një ilaç eksperimental kundër kancerit, që rrjedh nga një bimë helmuese mund të frenojë Covid-19, shprehen së fundmi shkencëtarët. Akademikët e Universitetit Nottingham në Britani pretendojnë se thapsigargin po shfaq rezultate shpresëdhënëse sa i takon luftimit të pandemisë dhe viruseve të tjera që shkaktojnë ftohje.
Kura, që rrjedh nga bima e “karrotës vdekjeprurëse”, e cila është fatale për bagëtitë gjendet në Mesdheun perëndimor dhe po provohet kundër kancerit të prostatës. Por vëzhguesit kanë zbuluar se ajo mund të jetë në gjendje të ndalojë infeksionin SARS-CoV-2, i cili shkakton Covid-19. Provat gjithashtu zbuluan se ilaçi në fjalë, të cilin njerëzit do të jenë në gjendje ta marrin si pilulë nëse provohet se funksionon është efektiv edhe kundër koronavirusëve që shkaktojnë ftohjen e zakonshme, si dhe virusit sincital të frymëmarrjes (RSV) dhe gripit. Studiuesit besojnë se efektiviteti i ilaçit kundër një sërë virusesh të frymëmarrjes mund ta bëjë atë veçanërisht të dobishëm në pandeminë e koronavirusit. Në vend që të synojë vetëm koronavirusin specifikisht, antivirali mund të përdoret edhe në pengimin e zhvillimit të një numri virusesh që shkaktojnë simptoma të ngjashme.
Kjo zbatueshmëri e gjerë mund të bëjë që ilaçi të jetë efektiv kundër pandemive të ardhshme, “Sëmundja X, sipas studiuesve.
Profesor Kin-Choë Chang, një nga studiuesit kryesorë, pranon nga ana tjetër se nevojiten edhe shumë testime të tjera që të provojnë se po, thapsigargin funksionon vërtet te njerëzit, pasi aktualisht është testuar vetëm te minjtë.
Gjithsesi, specialisti shtoi se “gjetjet tregojnë dukshëm se thapsigargin dhe derivatet e tij premtojnë trajtime antivirale kundër Covid-it dhe gripit”. Për momentin, kushton rreth 104 dollarë për 1 mg për përdorim në hulumtimet eksperimentale, por kostoja e tij do të ulej në mënyrë drastike nëse do të hynte në prodhim të plotë. Antiviralët e gripit mund të kërkojnë midis 200mg deri 800mg për dozë.
