“Eshtë një demokrat i njohur në të gjitha qëndrimet e tij, me një energji të pashtershme siç e dëshmon. Një njeri, një mjeshtër në marrëdhëniet publiket në fushën e tij të showbiz. Ka përdorur të gjithë talentin e pamohueshëm për të tërhequr fansa, mbështetës, simpatizantë me shpejtësi të jashtëzakonshme. Gjithmonë artistët janë kampionë në mediat sociale. E falenderoj shumë për dollinë”
Kështu iu përgjigj më herët Sali Berisha dollisë e përshëndetjeve të shumta të fenomenit të “Big Brother VIP”, Luiz Ejllit. Së fundmi në emisionin “Zone e Lirë” është shtruar tema: Kush e merr Luizin për fushatë për zgjedhje Rama apo Berisha?
Të ftuarit në studio kanë argumentuar se pas veprimeve të fundit të Kryetarit të PD-së, Sali Berishës, ka shumë gjasa që ky i fundit ta përdorë imazhin e tij në politikë gjatë zgjedhjeve.
Po ju mendoni se Luizi do të përfshihet në politikë pas përfundimit të “BBV”?
Më herët si gjysmë lojë e gjysmë realitet, Luizi dhe Kiara i thanë “PO” njëri-tjetrit para dëshmitarëve që ishin banorët e shtëpisë dhe i gjithë publiku shqiptar, teksa i dhuruan njëri-tjetrit edhe puthjen e parë.
Dashur, padashur, një urim për “dasmën” Luizit ia bëri edhe Berisha. Teksa ishte i ftuar në emisionin “Opinion”, analisti Lorenc Vangjeli tha se ishte më e lehtë të puthte Luizi Kiarën se të takohen Berisha me Alibeajn.
Kështu, Berisha mori disa sekonda për t’i uruar çiftit dashurinë. Ai mohoi të ketë shkruar një letër për këngëtarin, ashtu siç ka qarkulluar në media prej disa kohësh.
