Njerëz të ndryshëm reagojnë në mënyra të ndryshme ndaj tradhtisë, e cila në fakt nuk ka një “manual” sesi të menaxhohet si situatë.
Mendimin e saj lidhur me këtë temë e ka dhënë edhe blogerja Armina Mevlani, e cila prej vitesh po shijon marrëdhënien e saj të dashurisë me Shkëlzen Berishën.
Ç’do të bënte Armina nëse partneri do ta tradhtonte?
Ajo është përgjigjur në një “mini-intervistë” në InstaStory, duke lënë të kuptohet se do të përpiqej t’i jepte një shans partnerit të saj për t’u shpjeguar për këtë veprim.
“A do ta falje tradhtinë dhe a mendon se ka dashuri pas tradhtisë?”- e ka pyetur një ndjekës, të cilit Armina iu përgjigj:
“Mendoj jeta dhe njeriu është shumë kompleks, tradhëtia jo gjithmonë është mungesë dashurie dhe vjen për shumë arsye. Varet nga rrethanat, do ulesha dhe do flisja me partnerin për të kuptuar “përsenë” dhe nëse nuk më bind nuk do e falja. Ka dhe raste që mendoj që duhet falur.”- ka shkruar ajo.
