Dhjetë rreshta pas pjesës tjetër të familjes mbretërore do të ulet Princi Harry gjatë kurorëzimit të mbretit Charles. Lajmi mund të zhgënjejë ata që menduan se do të shihnin fotot e princit me vëllain ose gruan e tij.
Sipas Paul Burrell, nuk ka “asnjë shans” që Princi Harry të pajtohet me të afërmit e tij pas librit të tij “Reserve” dhe zbulimeve që ai bëri. Megjithatë, teksa ndodhet në Britani, ai mund të ketë shumë pak kohë për të folur me Mbretin Charles ose Princin William.
Princi Harry do të largohet menjëherë pas ceremonisë për të kapur ditëlindjen e djalit të tij Archie. Opsioni për t’u ulur më larg se familja mund të jetë i dobishëm për të, pasi do të jetë në gjendje të bëjë një dalje të shpejtë nëse dëshiron.
Princi Harry do të udhëtojë vetëm në Britani pasi Meghan Markle nuk do të marrë pjesë në ceremoni. Burimet thanë se ka pasur një diskutim intensiv mes Buckingham dhe princit për të sqaruar rolin e tij dhe detaje të ndryshme rreth ceremonisë.
Ngjarjet e kurorëzimit do të zgjasin tre ditë, por Duka i Sussex-it pritet të marrë pjesë vetëm në ceremoni. Kjo do të jetë hera e parë që Princi Harry do të shohë babanë dhe vëllanë e tij që nga publikimi i autobiografisë së tij në janar, në të cilën ai ekspozoi “të palarët” e familjes mbretërore.
