Ditën e djeshme guvernatori i Toscana-s Enrico Rossi është shprehur i shqetësuar për shpërthimet e fundit të virusit në qytetin italian, që sipas tij, e kanë burimin nga jashtë.
Nga 16 raste të reja me Covid-19 të regjistruara dje në buletinin e përditshëm të Toscana-s, 13 persona kanë shkuar nga Shqipëria, në veçanti nga Tirana, dhe një rast tjetër është një shtetas i Ekuadorit.
Kështu, autoritetet italiane kanë bërë thirrje që qeveria shqiptare të bëjë kujdes në gjurmimin e rasteve, teksa pati debate se mund të anulohen fluturimet mes dy vendeve.
Pas gjithë ngjarjes ka ardhur edhe reagimi i Ambasadës shqiptare në Itali, që përmes një postimi në Facebook ka lënë të kuptohet se fluturimet nuk janë anuluar teksa ka publikuar udhëzimet sesi mund të udhëtohet nga Shqipëria drejt Italisë.
Në njoftim theksohet se duhet të firmoset vetëdeklarimi, i cili përmban disa pika kryesore, deklarimi se nuk kanë qenë të infektuar me Covid-19, apo të karantinuar për 14 ditë.
Gjithashtu, qytetarët duhet të nënshkruajnë deklarimin se nuk kanë temperaturë mbi 37.5.
Postimi i plotë i Ambasadës:
Të kufizojmë përhapjen e #COVID19 ?
↔️Respektoni distancën
? Vendosni #maskën
?Ruani higjienën vetjake dhe kolektive. ?Kujtojme se me dekret te qeverise italiane, mbeten ne fuqi kufizimet e udhetimeve deri me daten 31 korrik 2020.? Per te gjithe ate kategori qytetaresh shqiptare, që sipas dekretit, lejohen të udhetojnë drejt Shqiperise, ( qytetaret e pajisur me leje qendrimi dhe rezidente ne Itali) te cilet mund te kryejne udhetime per arsye personale, drejt Shqiperise apo Italise duhet te kene parasysh se :
• Pasagjerët duhet të mbajnë distancën prej 1.5 metër në aeroport;
• Aeroporti do të vendosë një pikë të automatizuar ku pasagjerët mund të blejnë maska ose dezinfektant personal;
• Për kujdesin e higjenës personale janë vendosur dezinfektantë për duart në hyrje të terminalit, në hyrje të korridorit të sigurisë, si edhe në pjesën e mbërritjeve pranë zonës ku tërhiqen bagazhet;
• Personat që do të hyjnë në terminal, si në nisje ashtu edhe në mbërritje, do të kalojnë në tunelin e dezinfektimit. Materiali që përdorët për dezinfektim është Peroksid Hidrogjeni i holluar në ujë në masën 0.2%, sipas rekomandimit dhe miratimit të Institutit të Shëndetit Publik;
• Pasagjerët duhet të plotësojnë një deklaratë mbi statusin e tyre të COVID-19 përpara se të kenë një leje për të hipur në bord të avionit (boarding pass), gjatë procesit të check-in;
• Në momentin e hyrjes në terminal, personat në nisje ashtu edhe në mbërritje do t’i nënshtrohen matjes së temperaturës. Personat me temperaturë mbi 37.5 g. c nuk lejohet të vijojnë procedurën e check-in-it dhe do të futen në zonën e veçantë të karantinimit dhe ndaj tyre kryhen procedurat e tjera të verifikimit;
• Pasagjerët në aeroport, që identifikohen simptomatik nga autoritetet e shëndetit publik, mund të mos lejohen të vazhdojnë udhëtimin;
• Asnjë pasagjer simptomatik nuk duhet të riatdhesohet me një fluturim të rregullt pasagjerësh;
• Gjatë qëndrimit në terminal njerëzit duhet të respektojnë sinjalistikën, të mbajnë distancim fizik nga persona të tjerë, të përdorin karriget në terminal sipas sinjalistikës;
• Pasagjerët që nuk zbatojnë masat parandaluese: nuk do t’u jepet akses në ndërtesën e terminalit të aeroportit, në kabinë ose do të zbriten nga avioni dhe do të largohen nga aeroporti nga autoritetet e rendit publik;
- Nuk lejohet mbajtja e baterive lithium në pajisje ose më vete në bagazhet e kontrolluara;
Ne rastin e udhetimit nga Shqiperia drejt Italisë, të mbahet parasysh se :
?Duhet të firmoset vetedeklarimin i cili permban keto pika kryesore :
• Deklarimin se nuk kane qene te infektuar me Covid-19, apo te karantinuar per 14 dite,
• Deklarimin se nuk kane temperature trupore mbi 37.5 GC ( pavaresisht se kryhet matja e saj ne momentin e udhetimit nga autoritetet kufitare)
• Ne momentin e udhetimit nuk shfaqin shenja te lodhjes, humbjes se shijes, dhimbjes trupore, kolles, frymemarrjes se renduar, diarre, dhimbje fyti, ethe te pergjithshme,
• Nuk kane pasur kontakte te ngushta me persona te infektuar me Covid-19, ne 48 oret perpara shfaqjes se simptomave,
• Nuk kane pasur kontakte te ngushta me persona te infektuar me Covid-19 ne 14 ditet e fundit.
• Ne rastin e udhetimit drejt Italise, me cfaredo lloj mjeti, edhe nese jane asimptomatike, jane te detyruar te komunikojne direkt me organet perkatese shendetesore te zones ku jane rezidente, per te informuar mbi gjendjen e tyre.
• Te gjithe keta qytetaret do te jene te detyruar te zbatojne karantinen 14 ditore prane baneses se tyre, dhe per kete do te ndiqen me kontrolle nga sherbimet shendetesore.
