Presidenti Ilir Meta ka qenë i ftuar këtë të shtunë mbrëma në “Xing me Ermalin”, i cili është i zhveshur nga kostumi i një funksionari të lartë të shtetit dhe ka zgjedhur të ndajë me ne disa të vërteta, të cilat, pse të gënjëjmë: ishim shumë kuriozë t’i dinim.
Ai ka treguar se vajza e tij e preferuar është Era. Jo më kot, ajo ka marrë postin e ‘Zonjës së Parë‘, por gjithashtu i vetmi person që mund t’ia ngrejë zërin Ilirit (meqë presidenti tha se çdo njeri është i lirë për ta thirrur në emër). Në “përballjen“ që pati me të atin, Era ka pyetur se cilin nga fëmijët, ai do më shumë: Borën, Besarin apo Erën?
Mesa duket Era, e dinte se cila ishte përgjigjja, por thjesht kishte nevojë që ta dëgjonte publikisht.
“Pse provokon ti, apo do të dëgjosh gjithmonë që t’i je mbi të gjithë?“, i tha Meta.
Duke u ndalur tek raporti me bashkëshorten e tij, Monika Kryemadhin, presidenti nuk mund t’i shpëtonte pyetjeve provokuese të Ermalit.
Ermali: A je xheloz për Monika Kryemadhin aq më tepër tani që është bërë më e bukur?
Meta: Unë jam i lumtur kur të bukurën e pëlqejnë të gjithë
Një përgjigje shumë diplomatike, ashtu siç i ka hije një presidenti
