Dashi
Diçka për të cilën keni shpenzuar një kohë të gjatë, mund t’ju duhet ta eliminoni pjesërisht nëse gjërat nuk po ecin ashtu siç duhet. Ta bësh tani është më mirë sesa ta lesh pas dore. Hëna e re në mesjavë mund të jetë një mundësi për të lëvizur në një plan për të fituar para shtesë. Filloni tani dhe së shpejti do të keni një makinë të vërtetë parash në duart tuaja. Më vonë gjatë javës, një informacion i ri mund t’ju japë përparësi. Dhe shoqërimi me disa persona mund të nxisë përparim.
Demi
Ky qiell duket se dërgon mesazhe të paqarta, në mos kontradiktore. Hëna do të ndriçojë në shenjën tuaj të mërkurën, duke ju bërë protagonistë të zgjedhjeve e vendimeve që do të merrni, duke u treguar të vendosur. Por, duke filluar nga dita e premte, Venusi ju fton të bëni kujdes e të përpiqeni të mos bini shumë në sy për të mos tërhequr vëmendjen që realisht nuk e doni. Kush ka të drejtë? Vështirë ta thuash këtë. Me gjithë dyshimin që ju bren, përpiquni t’i mbani të fshehta qëllimet tuaja, sepse hë për hë jeni të detyruar.
Binjakët
Po filloni ta ndieni shumë ndikimin e Marsit e s’po ju duket dhe aq e lehtë. Sepse është e qartë që planeti i kuq ndikon për t’i përshpejtuar gjërat, por duke i bërë dhe më të lodhshme. Kështu, në përshtatje dhe me natyrën tuaj të epshme, do të mësoheni me kufizimet, që më pas në fundjavë të jeni të detyruar që t’i përshtateni të tashmes me ide të reja. Kjo është energjia që ju dhurojnë yjet. Në fund, falë ndikimit të Venusit, do të bëni gjërat që ju pëlqejnë dhe nga të cilat s’do të donit të hiqnit dorë. Sigurisht që në këtë periudhë dhe mund të argëtoheni.
Gaforrja
Mos i kushtoni shumë vëmendje ditëve të para të javës, momenteve që ju duken tepër të ndërlikuara dhe që nuk ju pëlqejnë dhe aq shumë. Prisni më mirë Hënën e re të ditës së mërkurë, një moment gjatë të cilit do të ndieni energji të mëdha psikofizike dhe optimizëm. Në këtë mënyrë do të bëni paqe me të tashmen, duke gjetur kohë dhe energji për miqtë dhe për të reflektuar. Duke filluar nga dita e premte, Venusi do t’ju bëjë disi dyshues përsa u takon emocioneve. Në fundjavë do të hasni vështirësi në dialogun me partnerin.
Luani
Kjo javë do të jetë e mbushur me mesazhe për të lindurit e kësaj shenje. Duke filluar që nga dita e hënë do të ndieni ndikimin e yjeve dhe sidomos të Mërkurit, i cili do t’ju ndihmojë të përballeni me persona që e kanë të nevojshme t’i kuptojnë gjërat më mirë dhe që të sqarojnë gjithçka. Më pas, hëna e re në gjysmë të javës do të shënojë një moment të rëndësishëm në aspektin profesional. Për këtë do t’ju ndihmojë dhe ndikimi i Venusit ditën e premte. Shfrytëzojeni ndihmën e qiellit për të sistemuar diçka, por bëjeni pa u nxituar. Kështu do të zbehni ndikimin e Uranit që ju shtyn të nguteni.
Virgjëresha
Gjatë kësaj jave, në mënyrë që të shmangni problemet apo gabimet e mundshme, do ta keni të nevojshme të dëgjoni ide dhe këshilla të shumta. Duke filluar nga dita e hënë, Mërkuri dhe Saturni me ndikimin e tyre mund të bëjnë që të bindeni për diçka, ndoshta duke jua bërë më të lehtë një situatë. Mos ia kini shumë besën dhe tregohuni vigjilentë. Do të ndiheni më mirë nën ndikimin e Hënës ditën e mërkurë, kur do të mund të merrni një vendim përsa u takon pushimeve apo për një projekt të largët. Gjërat do të shkojnë mirë në aspektin e ndjenjave ditën e premte dhe papritur do të ndiheni më të fortë, më të sigurt e më të vendosur se më parë.
Peshorja
Ndonjëherë duhet ta pranojmë se jemi viktima të iluzioneve apo të keqkuptimeve, edhe pse mund të besojmë se tregohemi të logjikshëm e të saktë në gjërat që bëjmë. Mërkuri ju sfidon të zbatoni rregullat e të njihni kufizimet tuaja. Të mërkurën, lejoni dikë tjetër të vendosë për ju, duke e autorizuar që të zgjedhë dhe të reagojë në emrin tuaj. Të premten do ta keni mjaft të qartë që keni nevojë për këshilla dhe mbrojtje, për shkak të mungesës së vëmendjes dhe lehtësisë me të cilën i merrni gjërat. Nuk është asgjë e rëndë, mjafton që të kërkoni mbështetjen e dikujt.
Akrepi
Mos e përjetoni si dramë faktin që kjo javë mund të karakterizohet nga qetësia, edhe pse të lindurit e kësaj shenje i druhen mërzitjes dhe heshtjes. I vetmi fenomen kozmik që do të bjerë në sy është Hëna e re që do të largohet nga shenja juaj aty nga mesi i javës. Ky është një sinjal që premton ndryshime, risi dhe iniciativa që kanë të bëjnë pikërisht me aspektin e ndjenjave. Kjo mund të mos varet vetëm nga ju, por gjithsesi ka për t’ju pëlqyer. Duke filluar nga dita e premte, Venusi mund të ndikojë që të mos përjetoni një dashuri plot pasion. Rrini në gjendje pritjeje.
Shigjetari
Tensioneve të pashmangshme të krijuara prej ndikimit të Marsit tani do t ‘i shtohen edhe pasiguritë e atyre që duan të tregohen të gatshëm e të dashur karshi jush. Të hënën, për shembull, do të ndesheni shpesh me persona kokëfortë, me të cilët do ta keni të vështirë të ruani qetësinë. Bëni durim deri të premten kur, nën ndikimin e Venusit, më në fund do t’u jepet zgjidhje situatave që nuk ishit të gatshëm t’i duronit më. Kështu, do të jeni më të ëmbël, diplomatikë dhe të kuptueshëm. Duhet vetëm të tregoheni të arsyeshëm.
Bricjapi
Është e kotë të provoni të kuptoni diçka kur në fakt s’ka asgjë për të kuptuar. Sforcimi do të ishte i pamundur dhe i tepërt. Kijeni parasysh këtë sidomos ditën e hënë, kur bashkëveprimi mes Mërkurit dhe Saturnit do t’ju japë përshtypjen se mund të kuptoni gjithçka, por në fakt do të jetë thjesht një iluzion. Do të jetë ndikimi i Hënës së re që do t’ju ndihmojë të keni mendime pozitive. Do të keni ide të shumta për të ndryshuar të tashmen ditën e premte, por për të mos gabuar duhet të tregoheni disi të përmbajtur.
Ujori
Nëse një projekt i një grupi ka ngecur, është koha për të gjetur psenë. Mund të jetë e lehtë të kuptoni se çfarë shkoi keq, dhe para se ta kuptoni, entuziazmi juaj do të rikthehet. Hëna e re në sektorin e shtëpisë dhe familjes mund të jetë një nga kohët më të mira për të ndryshuar dinamikën e familjes, ndoshta duke marrë një kafshë të re ose duke kaluar kohë me një të afërm të vjetër. Nëse keni menduar për fillimin e një biznesi të bazuar në shtëpi, mund të jetë një kohë e shkëlqyer për ta filluar këtë.
Peshqit
Shfrytëzojini ditët e para të kësaj jave që të provoni të komunikoni me të tjerët, sepse po përballeni me disa kufizime, detyrime e rregulla, që ju janë imponuar prej tyre e që nuk ju pëlqejnë. Keni rastin e shkëlqyer për të provuar se nuk jeni maniakë dhe as të papërgjegjshëm. Të mërkurën Hëna e re do t’ju ndihmojë të kuptoni logjikën sipas së cilës rregullohen raportet. Kurse të premten Venusi do të largohet nga shenja e Peshqve, duke ju bërë më pak diplomatikë. Atë ditë, personi juaj i zemrës do të tregohet i paparashikueshëm dhe i padurueshëm. Situata mes yjeve dhe fateve do të zhvillohet me zigzage.
