Keni kaluar adoleshencën dhe tashmë edhe të 20-tat. Çfarë ju bën përshtypje është se të gjithë shoqete apo njerëzit që njihni po nisin të krijojnë familje. Jeta e tyre private pasqyrohet tashmë në rrjetet sociale, me lajme për ardhjen e fëmijëve apo me fotot e të sapolindurve të publikuara kudo.
Ndërsa ti je akoma e vetme, apo ke pak kohë me dikë në krahë, por që larg realitetit për t’u bërë nënë. Familja ushtron presionin e saj, për të gjetur të duhurin dhe për të ndjekur shembullin e shoqeeve.
Në fakt kjo është një krizat e moshës 20-30 vjeçe që e kalojnë shumë femra. Por, mos bëni hapin e gabuar. Nuk duhet kurrsesi që ta mendoni si të duhurin, mashkullin e parë që ju del përpara.
Sipas një studimi të ri, gjëja më me mend që mund të bëni në atë moshë, është të prisni përpara se të mendoni për familje. Sipas studiuesve në Shkollën e Ekonomisë në Londër, mosha ideale për të lindur një fëmijë është 30 vjeç.
Studimi i publikuar thotë se fëmijët e lindur nga femrat në moshën 30-vjeçare janë më inteligjent dhe kanë performancë më të lartë krahasuar me ata që kanë lindur nga nëna 20 apo 40 vjeç. Gjithashtu femrat që bëhen për herë të parë nëna në moshën 30-vjeçare, janë më të edukuar, kanë gjendje ekonomike më të mirë, konsultohen në vazhdimësi me mjekun gjatë shtatzënisë dhe e kanë gjithçka të planifikuar.
Femrat që lindin në moshën 40 vjeç kanë më shumë gjasa për të patur fëmijë obezë, pasi nuk kanë aq ‘fuqi’ sa nënat më të reja për të luajtur me fëmijët e tyre. Kështu që keni akoma kohë, merrini gjërat shtruar.
