Reperët kosovarë Ledri, Gjiko, Lumi B dhe Skerdi kanë sjellë në bashkëpunim një projekt të ri muzikor të titulluar ‘Pablo.’
Kjo është një këngë dedikuar trafikantit të drogës ‘Pablo Escobar’, muzikën e së cilës e kanë marrë nga ‘Lock Doh.’ Ky është një rikthim që kanë bërë pas një viti me hitin e tyre, Messi.
Bashkëpunimi i tyre gjithësesi, nuk është i pari në llojin e vet. Tashmë është kthyer në modë që reperët ose këngëtarët shqiptarë t’u kushtojnë këngë “të fortëve”.
Reperi Getoar Selimi publikoi pak javë më parë një këngë kushtuar Berluskonit.
Edhe Mozik i ka kënduar një prej njerëzve më të fuqishëm në Shtetet e Bashkuara të Amerikës, presidentit Donald Trump.
Grupi i njohur kosovar, Kaos, i ka kënduar mashkullit më të njohur nga mbarë shqiptarët, Vandamit.
