Jo më kot stilistët nëpër koleksionet e tyre herë pas here frymëzohen nga detaje tradicionale të vendeve dhe kulturave të ndryshme! Tradicionalen e shohim të risjellë dhe të përshtatur në mënyra nga më të ndryshmet ndër vite! Jemi me fat që veshjet tradicionale shqiptare i kemi me vlera kaq unike!
Në këtë post kam zgjedhur të miksoj natyrshëm sipas mënyrës sime detaje dhe pjesë të ndryshme të veshjeve popullore shqiptare dhe t’i kombinoj me veshje dhe trende të sezonit! Megjithëse fare rastësisht përzgjodha më shumë elemente të veshjeve popullore të zonave të veriut!
Ja vlen vërtet që në veshjet tona të përditshme të sjellim diçka nga tradicionalja! Do të mjaftonte vetëm një detaj si p.sh. një shall, një karficë, një jelek i qëndisur, një këmishë e punuar, detaje tradicionale të qëndisura etj., që veshjes tonë t’i jepte pak “histori”!
*Shkruar nga blogerja Amande Dako
*Shfleto galerinë
