Rrallë do ta shihni atë me ndokënd tjetër veç bashkëshortit dhe katër fëmijëve të saj. Dhe tani, Victoria Beckham ka pranuar se ajo “nuk ka shumë miq”, por thotë se pavarësisht kësaj nuk ndihet kurrë vetëm.
Stilistja e njohur është shprehur për revistën “Elle”: “Nuk ndihem kurrë e vetmuar. Unë nuk kam shumë miq, për shkak të karrierës sime, por jam e rrethuar nga njerëz që sinqerisht më pëlqen të jem”.
Beckham ka treguar se ajo ka mundur të mbajë kontakt vetëm me 5 miq nga fëmijëria por shtoi se e ka të pamundur të takohet me ta.
“Jam shumë e afërt me motrën dhe një mike me të cilën ikja në shkollë dhe me tre a katër të tjerë. Mendoj se një mik i vërtetë e kupton se ti nuk mund ta takosh aq shpesh sa do të doje, sepse dhe ata janë po aq të zënë. Çdonjëri prej miqve të mi ka një karrierë dhe një familje”, thotë 43-vjeçarja.
Victoria është takuar shpesh me Tana Ramsey, gruan e shefit të njohur të kuzhinës Gordon, si dhe me ish-pjesëtaret e grupit “Spice Girls”, Mel C dhe Emma Bunton, të cilat i uroi edhe në rrjetet sociale për ditëlindjen.
Pavarësisht faktit se nuk ka shumë kohë për t’i kushtuar miqësisë, dizajnuesja sërish gjen kohë për të kaluar 2 orë në palestër çdo mëngjes.
“Normalisht, zgjohem, bëj gjysmat e ushtrimeve, një orë, zgjoj fëmijët, u jap mëngjesin, i dërgoj në shkollë, kthehem, bëj orën tjetër të ushtrimeve, bëj dush dhe më pas shkoj në punë”, tregon Victoria.
Burimi: Daily Mail
