Momenti më i tmerrshëm për nënat është kur vihet në rrezik jeta e fëmijës së tyre.
Anne Hathaway ka përjetuar një moment të tillë me djalin e saj Jonathan. Teksa ishte e ftuar në programin “The Tonight Show Starring Jimmy Fallon”, ditën e hënë, aktorja tregoi sesi ajo dhe djali i saj i shpëtuan një dëmtimi të tmerrshëm, kur po luanin në park.
“Kaluam një ditë të mrekullueshme sot. E dërgova djalin në park, ai i pëlqen shumë lëkundëset”, nis tregimin e saj aktorja.
Anne vijon të tregojë se vendosi që ajo dhe djali të shkonin të provonin edhe rrëshqitësen, ku po luanin edhe fëmijë të tjerë.
“Kështu që u ngjita në fillim të rrëshqitëses, vendosa djalin në mes të këmbëve, pasi isha veshur me fund, dhe nisa të rrëshqisja, por nuk mendova peshën trupore. Ne të dy po rrëshqisnim shumë shpejt kështu që u tmerrova. Për pak thuajse vrava djalin tim, por shpëtuam kështu që do të luajmë gjithmonë në kolovarëse”, përfundon tregimin aktorja hollivudiane.
Burimi: Daily Mail
