Ditën e djeshme dalluam nga Elvana Gjata faktin se, ka realizuar imazhet e fundit me fotografen e njohur, Sasha Samsonova, e cila ka fotografuar edhe Kylie Jenner më herët.
Këngëtarja ka postuar mëngjesin e së martës të tjera foto që me gjasa duket të jenë nga projekti i radhës, që mund të publikohet së shpejti.
Nga emrat e përmendur nga Elvana dallon ai i artistes së makijazhit, Kathy Jeung, e cila është shumë e njohur në radhën e të famshmeve. Në profilin e saj mund të dallojmë se ajo është e preferuara e Rita Orës, pasi ka kuruar imazhin e këngëtares shqiptare në çdo event të saj.
Nga tapeti i kuq, te emisionet në të cilat është ftuar, apo paraqitjet në revistat e famshme, Rita Ora zgjedh artisten e makijazhit Kathy Jeung. Ndoshta kjo ka shërbyer si një frymëzim për Elvanën për zgjedhjen e saj.
Ndërkohë që veshja që ajo mban prej dantelle është e markës “Seen”, i cili ka ripublikuan imazhin e saj në profilin e “Instagram”-it.
Detaji i tretë lidhet pikërisht me vlerën e “sandaleve” të Elvanës. Këngëtarja ka veshur sandalet e zeza “Tribute” të markës “Saint Lauren” që përkatësisht kushtojnë 662 dollarë të kombinuar, me çorape “Gucci” ngjyrë të bardhë, që kushtojnë 95 dollarë. Gjithsej 757 dollarë!
Burimi: Iconstyle.al
