Mësimi më i mirë është që kur të arrish suksesin mos të ndalosh!
Brenda këtij viti ajo publikoi dy bashkëpunime, “No Lie” me Sean Paul dhe “Scared To Be Lonely” me Martin Garrix, por Dua Lipa është gati të publikojë bashkëpunimin e radhës.
Përmes një postimi të bërë në rrjetet sociale, këngëtarja me origjinë shqiptare ka treguar se më 24 prill, ajo do të nxjerrë në treg projektin e ri muzikor.
“Lost In Your Light” do të titullohet kënga me e re e artistes, e cila këtë radhë ka vendosur të vijë në bashkëpunim me Miguel.
Por kush është Miguel?
Emri i tij i vërtetë është Miguel Jontel Pimentel dhe 31-vjeçari është një këngëtar, tekstshkrues, producent dhe aktor amerikan. Ai ka nisur të krijojë muzikë që në moshën 13-vjeçare, ndërsa albumi i tij i parë u publikua në 2010-n, “All I Want Is You”. Miguel ka zgjedhur stilin e muzikës R&B, funk, hip-hop, rock dhe elektronik, ndërsa ka bashkëpunuar me vokalistët e njohur si Babyface dhe Prince.
Ndër momentet e tjera të rëndësishme të karrierës së tij veçojmë rolin e një gangsteri kubano-amerikan krah Ben Affleck në filmin “Live by Night” dhe realizimin e koverit të këngës së Beyonce, “Crazy in Love”, për filmin “Fifty Shades Darker”.
Burimi: Iconstyle.al/Instagram
