Shumë biznese kanë në kodin e veshjes detyrimin e mbajtjes së këpucëve me taka gjatë kohës së punës nga ana e femrave. Por a është e drejtë kjo?
“British Columbia” (“BC”), provinca perëndimore e Kanadasë, u bë vendi i parë që vendosi të hiqte këtë rregull për shkak të rrezikut që këpucët me takë paraqesin për shëndetin, por edhe për komoditetin e tyre në vendin e punës.
Përveçse për të shmangur çdo lloj dëmtimi apo incidenti dhe për të minimizuar problemet me këmbët apo me shtyllën kurrizore, një nga objektivat e tjera të këtij rregulli është të përligjë kërkesat seksiste të kodit të veshjes.
Këpucët duhet të dizenjohen në atë lloj forme, që u lejon punonjëseve të operojnë në mënyrë të sigurtë dhe më të shpejtë. Njoftimi i këtij ndalimi erdhi pasi një parti politike e “BC”-së, prezantoi muajin e kaluar një projektligj, i cili parandalon punonjësit të veshin këpucë bazuar në gjinitë e tyre.
Ky projektligj përfshin çdo vend pune, korporatë apo kompani. Sipas tyre, nuk është aspak e drejtë që grave t’u kërkohet të veshin taka në vendin e punës dhe e gjithë kjo bëhet për të shmangur diskriminimin me bazë gjinore.
Në vend të tyre, të gjitha punonjëset do të veshin këpucë me material komod dhe praktik, që mund t’i lejojnë të performojnë edhe më mirë se më parë.