Çfarë po bëhet sot për personat me aftësi të kufizuara? Kryetari i “Këshillit Kombëtar të Personave me Aftësi të Kufizuara”, Ndrek Ismailaj, ndodhej në studion e emisionin “Top Show” për t’u dhënë të gjithë njerëzve përgjigjen e kësaj pyetje.
Si dikush që i prek nga afër problemet e këtij kategorie njerëzish, Ismailaj shpërtheu pasi dëgjoi deklaratat e bëra nga ana e zyrtarëve të pranishëm në studio. Në 20 vite vetëm ai e di se çfarë ka hequr, ishte një nga fjalitë që preku të gjithë ata njerëz që dëgjuan vështirësit që hasin personat me aftësi të kufizuar fizike.
“A e imagjinoni se ç’do të thotë me pasë një fëmijë me Sindromën Down, a e kuptoni? Duhet mbi 1 milion lekë të vjetra me e mbajt atë fëmijë. Të flasësh të thonë po ky ça është i majtë apo i djathtë? Unë jam me karrige me rrota. Ku i keni kurrikulat, apo marrin shërbim personat? Jo, bëni kurrikula sa të doni ju. 8 mijë lekë marrim në muaj. Çfarë mund të bëjmë me 8 mijë lekë? Një nga ne shkon një ditë më ngrënë një drekë, po 29 ditë të tjera? A kanë drejtë edhe ata me jetu? A kanë të drejtë ata me dalë njëherë më familjen e vetë? A kanë të drejtë me i shkollu fëmijët, me i çu jashtë? A kanë të drejtë me u shëru jashtë? Miliona lekë shkojnë për deputetë për t’u shëruar jashtë, po mua që jam i sëmurë me gurë në veshka?” Këto janë disa nga fjalët që tha mbrëmë Ndrek Ismailaj, i cili i vuri të gjithë në heshtje.
