Mjaftuan dy foto në rrjetet sociale që të nisnin menjëherë thashethemet në lidhje me një shtatzëni të këngëtares Xhensila Myrtezaj.
Në fotot e realizuara nga partneri Besi dhe që u hodhën në “Instagramin” e saj, ajo dukej paksa më e rrumbullakosur në pjesën e barkut. Ndërkohë që të gjithë nisnin të dyshonin, çifti i njohur i showbiz-it e mohuan menjëherë lajmin që bëri xhiron për të disatën herë në portale.
I kontaktuar nga Xing.al, Besi thotë se edhe këtë herë nuk ka asgjë të vërtetë. “Jo, nuk është shtatzënë, nuk jemi në pritje të një fëmije. Në rast se do të ketë, do ta themi menjëherë”, deklaron ai.
Dyshja do të kurorëzohen këtë vit. Ditët e fundit, Xhesi ka postuar edhe një video përmes së cilës tregon shtëpinë e re ku ajo dhe Besi do të jetojnë së shpejti.
