Ti e di mirë rregullin! Atë që thotë: Kur një djalë nuk të telefonon, e bën sepse thjesht nuk dëshiron të të telefonojë!
Nëse një mashkull të trajton sikur të mos i bëhet aspak vonë për ty, e vërteta është se vërtet nuk i bëhet vonë për ty. Nëse një djalë dëshiron të të takojë, më beso që do të dijë si të të gjejë!
Nëse të tradhton është për faktin se ti nuk i pëlqen mjaftueshëm. Nuk ekzistojnë meshkujt të trembur, konfuzë apo të zhgënjyer.
Nuk ka meshkuj që e kaluara ka lënë gjurmë të pashlyeshme tek ata, apo meshkuj që kanë nevojë për ndihmë, apo nevojë për kohë.
Meshkujt ndahen vetëm në dy kategori: Ata që të duan dhe ata që nuk të duan! Gjithçka tjetër është një justifikim!
Ti e dashur femër bën avokaten, kamarieren, mësuesen, shtëpiaken, modelen, aktoren, studenten, etj.
Edhe pse flitet e luftohet për të drejta të barabarta mes meshkujve dhe femrave, sërish meshkujt janë ata që preferojnë të jenë gjuetarët. Ndaj prisni t’ju ftojë ai për të dalë.
Por kujdes! Qëndro larg meshkujve të martuar! Nuk do ta lënë gruan për ty. E aq më pak fëmijët.
Dhe mos i beso historisë së kushërirës së shoqes tënde që u martua shumë shpejt me një të divorcuar. Ti nuk je përjashtimi. Ti je rregulli.
Braktisi ata që të bëjnë të qëndrosh në pritje pas një telefoni që nuk bie kurrë.
Nuk e kanë humbur numrin tënd. Por nuk marrin as mundimin më të vogël për të qenë në kontakt me ty.
Nuk kanë zbuluar se kanë një tumor në prostatë. Me siguri janë duke folur në telefon me një tjetër. Ose janë “gej”.
Çoji në djall ata që s’të shkruajnë. Nuk janë analfabetë. Thjesht nuk dëshirojnë të angazhohen me ty. Sepse nuk i pëlqen mjaftueshëm.
E këta tipa dallohen lehtësisht. Ndaj mos prish këpucët e tua të reja (madje as ato të vjetrat) duke vrapuar pas meshkujve që nuk të duan.
Përkundrazi, përdori për t’i dhënë një shkelm në të pasme.
Mëso artin e të qenit femër! Mëso të marrësh prej meshkujve atë që dëshiron, jo duke përplasur këmbët, por t’i bësh të besojnë se ishin ata që vendosën. Mëso të zgjedhësh, në vend që të të zgjedhin!
Sepse në të kundërt e vërteta është se nuk i pëlqen mjaftueshëm!
Burimi: Vabbe
