Kim Kardashian bëri rikthimin e saj në tapetin e kuq, për eventin “Front Row’s Annual Fashion Awards” në Los Angeles. Paraqitja e saj shënoi daljen e parë të Kim në tapetin e kuq që pas grabitjes në Paris, por nuk ishte kjo që befasoi.
Ylli zgjodhi një fustan të “Givenchy Couture” nga koleksioni i vitit 2011 të dizajnuar nga Riccardo Tisci, me pjesën e poshtme komplet të tejdukshme.
Perlat zbukuronin pjesën e gjoksit dhe të mëngëve të fustanit, ndërsa modeli i flokëve ishte kombinimi i duhur për paraqitjen e saj.
Kardashian është e njohur si fanse e fustanit të tejdukshëm, por nuk ishte kjo arsyeja pse ai na dukej i njohur: në fakt kishte ngjashmëri të dukshme me fustanin e saj të martesës. Ajo veshi gjithashtu një dizajn të Riccardo Tisci, në kurorëzimin e dashurisë me Kanye West në 2014-n.
Ashtu si fustani i fundit “Givenchy”, kishte pjesë të tejdukshme te mëngët dhe një prerje në formë V në bel, por fundi ishte prej dantelle.
Pjesa më e bukur e paraqitjes së saj? Fustani shkëlqente në errësirë.
Burimi: Harper’s Bazaar
