Mbipesha është një nga shqetësimet e shumë femrave. Një prej tyre ishte edhe Jennifer Hudson! Ajo humbi rreth 36 kg në peshë dhe si rezultat u bë një zëdhënëse e “Weight Watchers”.
Ndërkohë që transformimi i pabesueshëm erdhi si pasojë edhe e ushtrimeve të shumta në palestër, momentalisht ajo ka zbuluar se nuk ushtrohet fizikisht për shkak të stilit të jetës tepër të ngarkuar.
Në një intervistë të dhënë së fundmi, ajo shpjegoi: “Nuk kam shumë kohë për palestër, thjesht kujdesem për ato që ha”.
Duke shpjeguar se çelësi është gjithashtu edhe dieta, ajo ka thënë:
“Jam shumë e kujdesshme dhe e ndërgjegjshme për ato që ha. Mund të kem dalë jashtë dhe mendoj se është shumë herët të konsumoj ushqimin. Jam shumë e ndërgjegjshme për atë që vendos në trupin tim”.
Kur është pyetur nëse performancat e saj energjike mund të konsiderohen si ushtrime, ajo është përgjigjur: “Mendoj se gjithçka është falë dietës sime”.
Burimi: Daily Mail
