Përpos muzikës live, tashmë këngëtaren Rovena Dilo do ta shohim edhe në aktrim. Ajo është bërë pjesë e një filmi të ri të prodhuar nga Radio Televizioni Shqiptar.
“Ti mund të më quash Xhon” është një film i cili trajton një temë aktuale, një çift që përballen me shumë probleme në Tiranë, i realizuar nga një kast i madh aktorësh të njohur mes të cilëve edhe Arben Derhemi, Gëzim Rudi etj.
Në trailerin e shkurtër të filmit, Rovena Dilo shfaqet luan rolin e një nëne dhe ne trailer shfaqet duke pirë një cigare teksa komenton situatën e vajzës me shoqen e saj.
Këngëtarja është shprehur në disa intervista se aktrimi për të ka qenë një eksperiencë e re, nga e cila është ndarë shumë e kënaqur, gjersa pritet që shumë shpejt të vijë edhe me një këngë të re të zhanrit elektro-house.
“Ti mund të më quash Xhon” ka premierën e tij më 30 mars e me tej do te shfaqet ne zinxhirin e kinemave Imperial në Tiranë.
