Dashi
Kjo javë do të shënojë fillimin e sezonit tuaj të favorshëm që përkon me fillimin e pranverës. Sepse pikërisht ditën e hënë Dielli do të futet në shenjën tuaj dhe do t’u bëjë shoqëri Venusit, Uranit dhe Mërkurit, që janë të pranishëm aty. Për pasojë ju do të ndiheni më të fortë, më entuziastë dhe më energjikë dhe e tashmja juaj do të jetë më interesante. Mundohuni që të premten të mos i shfaqni shumë dyshimet që keni e të mos bëni shumë kritika, sepse jo gjithmonë do të gjeni momentin apo fjalët e duhura për këtë. Të shtunën do të dini t’i shfaqni pasionin personit që e meriton dhe që ka dëshirë të përfshihet nga energjia juaj e madhe. Silluni në përputhje me shenjën tuaj.
Demi
Ndërkohë që Marsi ua bën më intensive dhe më të lodhshme ditët tuaja, ju duket se jeni në kërkim të një rrugëdaljeje, të një mënyre për t’u arratisur nga angazhimet dhe detyrimet e shumta. Do të gjeni momente paqeje dhe kënaqësie pikërisht aty ku nuk e prisni, në situata të ndryshme dhe në shoqërinë e njerëzve që ndoshta nuk i keni shumë për zemër, por që tani do t’ju pëlqejnë. Mundohuni të mos e vini veten në provë ditën e shtunë, të mos flisni shumë dhe të mos i thoni hapur idetë tuaja, sepse ky nuk është momenti i duhur për ta bërë këtë. Fundjava do të jetë më e mirë falë ndikimit të Diellit, i cili do të sjellë entuziazëm te të gjithë ju.
Binjakët
Java do të fillojë e qetë falë zhvendosjes së Diellit, falë ndikimit të të cilit ju duhet të angazhoheni shumë për çështjet praktike dhe ato që kanë lidhje me aspektin profesional. Por bëni kujdes ditët e fundit të javës, sepse duke filluar nga dita e premte, Mërkuri do t’jua ndërlikojë shumë gjërat. Mundohuni të mos tregoheni shumë dyshues, sepse energjitë negative mund t’ju krijojnë tensione. Gjithashtu mos u tregoni të nxituar dhe jotolerantë (cilësi jo shumë të rralla për të lindurit e kësaj shenje), sepse duke filluar nga dita e shtunë dhe e diel mund të jeni shumë kërkues ndaj atyre që duan të kalojnë një fundjavë të qetë. Respektojeni tjetrin.
Gaforrja
Ardhja e pranverës përkon me kalimin e Diellit në shenjën tuaj. Në këto momente duhet të angazhoheni për çështje të ndryshme dhe të tregoheni të qëndrueshëm. Me pak fjalë, duhet të shfaqni cilësitë dhe aftësitë tuaja në mënyrë që të provoni të zgjidhni një problem. Megjithatë, duhet të tregoheni korrektë me të tjerët, sepse gjatë ditëve të fundit të javës rrezikoni të jepni përshtypjen se nuk po thoni të vërtetën dhe dikush mund të dyshojë në sinqeritetin tuaj. Si t’ia bëni? Thjesht mundohuni që ta përballoni gjithçka pa u nxituar dhe pa e humbur sensin e masës. Kjo nuk do t’ju nevojitej tani.
Luani
Pranvera ndikon pozitivisht për të lindurit e kësaj shenje. Sepse Dielli, që është dhe planeti juaj, përfaqëson energjinë, forcën dhe gjallërinë që i karakterizon Luanët. Ndiejeni përkëdheljen e këtij qielli kaq bujar, duke kultivuar interesat dhe qëllimet më të mira, duke gjetur gjithmonë diçka të bukur dhe pozitive në çdo situatë. Mos u merrni këto kohë me aspektin ekonomik, sepse për momentin situata nuk është dhe aq e mirë. Të shtunën do të jetë momenti i përshtatshëm për të vendosur dhe për të përcaktuar objektivat tuaja, për të bërë dallimin mes asaj që ju intereson vërtet dhe gjërave që nuk janë dhe aq të rëndësishme.
Virgjëresha
Tani që Dielli nuk ndikon më negativisht në shenjën tuaj, mund t’i përqendroni sërish energjitë te vetja dhe te nevojat që keni. Madje do ta keni të nevojshme ta bëni këtë. Duke filluar nga dita e premte, Mërkuri do të ndikojë negativisht në shenjën tuaj dhe do t’ju duhet të tregoheni të kujdesshëm. Shmangni pasiguritë dhe dyshimet, si pasojë e të cilave do të përfundonit duke u përballur me personat pranë jush. Përkushtojuni të shtunën një çështjeje praktike, sepse të dielën nën ndikimin e Uranit do të ndiheni jotolerantë dhe të pakënaqur për gjithçka që nuk keni ditur si ta përballoni.
Peshorja
Pranvera nuk është stina e favorshme për të lindurit e shenjës së peshores. Për këtë arsye do t’ju duhet të tregoheni të kujdesshëm me personat pranë jush dhe ndaj gjithçkaje që ju rrethon. Duke filluar që nga dita e hënë, Dielli do t’i shtohet listës së planetëve që ndikojnë negativisht në shenjën e Peshores duke e bërë më të vështirë sfidën që ju pret. Do t’ju duhet kështu të përjetoni pasionin dhe entuziazmin, edhe atëherë kur ndoshta nuk do të keni shumë dëshirë. Bëni kujdes si shpreheni dhe si silleni të premten, sepse mënyra juaj e komunikimit mund të mos jetë nga më të shkëlqyerat. Për fat Dielli do t’ju përkëdhelë në fundjavë, duke ju ngrohur zemrën dhe duke sjellë dritë dhe miqësi të reja përgjatë ditës së shtunë.
Akrepi
Juve ju pëlqejnë gjërat që kërkojnë forcë vullneti, vendosmëri dhe qartësi, por yjet nuk mund t’ju kënaqin gjithmonë. Gjatë ditëve në vazhdim nuk do të ndihet shumë ndikimi i qiellit, duke ju dhënë kështu përshtypjen se nuk po përjetoni asgjë të veçantë dhe interesante. Përpiquni që gjatë kësaj periudhe të qetësoheni, në mënyrë që më pas të jeni më energjikë dhe që të mos e ndieni shumë largimin e Marsit nga shenja juaj. Përpiquni t’i shmangni shpenzimet ditën e premte, duke pritur fundjavën gjatë së cilës dikush do të ketë dëshirë që t’ju dhurojë ngrohtësi dhe pasion. E tashmja juaj do të jetë e thjeshtë dhe duket se për momentin asgjë s’do ta ndërlikojë atë.
Shigjetari
Ky do të jetë një sezon i favorshëm për ju me kalimin e diellit në shenjën tuaj, i cili do t’i shtohet radhës së planetëve që ndikojnë pozitivisht. Kështu, do të përjetoni kënaqësi, gjëra të bukura dhe argëtuese. Besojuni yjeve, duke lejuar që t’ju përfshijë energjia dhe entuziazmi për gjërat e vogla, duke përmirësuar cilësinë e të tashmes suaj. Bëjeni këtë dhe për t’u mbrojtur ndaj dikujt që ka vërejtje për mënyrën tuaj të të vepruarit dhe që do t’ju bëjë shumë pyetje duke kërkuar në njëfarë mënyre përballjen me ju. Mos lejoni asgjë që t’ju prishë situatën pozitive që po përjetoni.
Bricjapi
Kur të lindurit nën shenjën e Bricjapit kanë Marsin në anën e tyre, asgjë s’mund t’i ndalë ata. Nëse keni energjinë e nevojshme për të luftuar, atëherë vështirësitë vetëm sa do t’ju bënin më të fortë, duke treguar vendosmërinë e nevojshme për t’ia dalë mbanë. Duke filluar nga dita e hënë, Dielli do të dalë nga shenja juaj, duke bërë që t’ju bjerë disi entuziazmi dhe gjallëria, por mos i kushtoni shumë rëndësi. Do të ndieni ndikimin e Mërkurit, planeti i cili mund t’ju bëjë të jeni disi dyshues dhe të mos besoni shumë në atë që po bëni. Por Dielli me ndikimin e tij pozitiv do t’ju ndihmojë të gjeni qartësinë e nevojshme gjatë fundjavës. Ia hodhët paq.
Ujori
Ndërkohë që Saturni ngadalëson lëvizjet e tij, duke ju bërë më pak të vendosur, për sa i takon të tashmes suaj, do të jenë planetët e tjerë që do ta kompensojnë këtë mangësi dhe do të ndikojnë pozitivisht në marrëdhëniet tuaja me të tjerët. Nën ndikimin e Diellit do të tregoheni më simpatikë dhe më të ndjeshëm dhe do të gjeni gjuhën e përbashkët me personat pranë jush. A është gjithçka në rregull? Pothuajse. Vërini fre gjuhës të premten, sepse nën ndikimin e Mërkurit mund të nënvlerësoni situatat duke e ndërlikuar më shumë një raport. Do ta keni më të thjeshtë të veproni në fundjavë, atëherë kur do të ndiheni të mbrojtur nga ana emocionale.
Peshqit
Dielli po largohet nga shenja juaj. Dita e hënë shënon fundin e sezonit për të lindurit nën shenjën e Peshqve dhe ju nuk bëni asgjë për ta fshehur apatinë në të cilën jeni zhytur. Po t’i shtojmë kësaj edhe pyetjet dhe dyshimet e shumta të dikujt, java juaj mund të mos jetë dhe aq e bukur. Çfarë zgjidhje t’i jepni kësaj? Kaloni në pozita mbrojtjeje dhe mendoni më shumë për veten tuaj dhe për gjërat që i dëshironi dhe i keni për zemër. Përpiquni që të premten t’i reduktoni sa më shumë evenimentet sociale dhe takimet, sidomos takimin me ata njerëz që vetëm sa jua ndërlikojnë punët. Lërini argëtimet për të shtunën, në mënyrë që të përjetoni diçka të veçantë. Kjo është këshilla e yjeve për ju.
