Ishte viti 2015 kur Rita Ora u grabit teksa ishte në gjumë në shtëpinë e saj. Që prej atij viti, këngëtarja shqiptare nuk e ka marrë veten ende, shkruan “Daily Mail”.
Ajo ka ndërtuar një dhomë paniku që kushton plot 1.3 milionë paund, në shtëpinë e saj në Londër pas incidentit që kaloi gati dy vjet më parë.
26-vjeçarja u ka rrëfyer miqve të ngushtë se është “e frikësuar mendërisht” nga incidenti, prej të cilit grabitësi u burgos për pesë vjet në qershor.
Sipas “Daily Mail”, ish-gjykatësja e X Factor ka punësuar një ekip specialistësh për të ardhur dhe për të siguruar shtëpinë.
Specialistët kanë instaluar kamera CCTV, një alarm të lartë, porta elektronike dhe drita që ndizen gjatë lëvizjes, së bashku me dhomën 20,000 paund, jashtë dhomës së saj të gjumit.
