Emma Watson humbi një çmim shumë të rëndësishëm të “Oscar”-it, atë të “Aktores më të mirë”, pasi refuzoi të luante rolin kryesor në filmin “La La Land”, i cili rrëmbeu 6 çmime në Akademinë e Filmit.
Në një intervistë për “Entertainment Weekly Radio SiriusXM” aktorja britanike tregoi, se pasi i ishte ofruar skripti i filmit ajo e kishte refuzuar menjëherë.
“Isha e detyruar të mësoja si të kalëroja, të kërceja dhe të këndoja njëkohësisht dhe provat për secilën nga këto ishin rreth 3 muaj. Nuk jam aq fleksibël sa Emma Stone, gjithashtu kisha vite që prisja të isha pjesë e filmit “E Bukura dhe Bisha”, ndërsa për “La La Land” nuk ndjeja ndonjë emocion”, u shpreh aktorja.
