Blogerja e njohur Lori Hoxha ka replikuar me një nga komentueset, e cila kritikonte mënyrën sesi një pjesë e të rinjve të pasur “falë prindërve”, tregojnë mirëqenien duke i vënë në pozitë bashkëmoshatarët, që nuk i kanë këto mundësi.
Pas këtij komenti, Lori nuk është përmbajtur dhe i ka shkruar komentueses për t’i treguar se ajo është si shumica e të rinjve shqiptarë, që fshihen pas ekranit të një telefoni të njëjtë me të sajin:
“Më fal çfarë mirëqenie shef ti te kjo foto? Një ambient që nuk duket, i pa tag-guar, një veshje gjithë e gjithë 50 euro, dhe një celular në dorë si ai qe po mban ti. Një foto si 5 milionë të tjera në këtë rrjet social. Mirëqenien e shijoj mbas ekranit, s’kam nevojë për aprovim as duartrokitje”, përfundon komenti i saj në Instagram.
Nuk është hera e parë që Lori Hoxha sulmohet në rrjetet sociale për stilin e jetës që reklamon, dhe ajo vetë është shprehur se nuk i pëlqejnë këto paragjykime që kanë njerëzit për ata që janë të pasur.
