Elvana Gjata ka gjetur një mënyrë tepër origjinale për të uruar sot 8 Marsin, Ditën e Gruas.
Këngëtarja shqiptare ka publikuar një foto në rrjetin social, Instagram duke uruar femrat për “Ditën Ndërkombëtare të Gruas” në një mënyrë ndryshe nga ajo që jemi mësuar të shohim.
Elvana ka veshur një bluze të bardhë ku shkruhet: “Ne të gjitha duhet të jemi feministe,” dhe në postim ka shkruajtur vetëm një fjalë, “Feminist.”
Këngëtarja, edhe pse ka disa kohë që nuk sjell projekte të reja muzikore pasi është larguar për në Shtetet e Bashkuara që të ndërtojë, karrierën e saj edhe atje nuk i harron datat e rëndësishme. Ajo me këtë postim i ka uruar të gjitha femrat dhe ka dhënë një mesazh shumë të mirë për të gjithë.
