Nga e merr karakterin fëmija? Po inteligjencën? Ky është një nga debatet më të pashmangshme. Por në shumicën e rasteve gjithmonë ka qenë predispozita që t’i drejtoheni me fjalinë klishe “Si ke lënë gjë babait/mamit”.
Prindërit duan të marrin meritat vetëm për cilësitë e mira të fëmijës, por kur vjen puna tek inteligjenca nuk ka vend për diskutim. Hulumtimi i ri i botuar në “Psychology Spot” thotë se njerëzit e marrin zgjuarsinë nga gjenet e mamasë.
Gjenet e inteligjencës janë të vendosura në kromozomin X dhe duke qenë se mamatë mbartin kombinimin XX kjo do të thotë që fëmijët kanë më shumë gjasa për të marrë inteligjencën nga mamaja.
Edhe në qoftë se babai ju kalon disa nga gjenet e tij të inteligjencës, shanset janë të ulëta që ato të kenë ndikim në trurin tuaj.
“Nëse ky gjen është trashëguar nga i ati, ai është i çaktivizuar”, raporton studimi në “Psychology Spot”.
