Këngëtarja shqiptare Bleona Qereti mori pjesë në ceremoninë e çmimeve ‘Oscar’, mes shumë yjeve të Hollywood- it.
Bukuroshja shqiptare publikoi disa foto, nga festa që u organizua, pas ceremonisë së shpërndarjes së çmimeve. E veshur me dy fustane të mrekullueshme, Bleona nuk ngurroi të pozonte edhe përkrah aktores së mirënjohur Jessica Alba.
Fustani i parë që Bleona veshi në festën e Vanity Fair, ishte i shtëpisë më të madhe të modës, Chanel. Një dizajn i veçantë, me lule të bardha dhe të zeza ,që dukeshin sikur ishin mbivendosur në fustanin e shkurtër.
Fustani i dytë ishte një krijim i Rezarta Skifterit, i kombinuar me bizhuteri të Bulgar-it. Fustani i tejdukshëm shfaqte trupin seksi , të këngëtares edhe pse pjesët intime ishin të mbuluara me lule lejla.
