E keni menduar ndonjëherë se si është të shohësh nga afër një prej të famshmëve tuaj të preferuar? Ndërsa fotot nuk tregojnë çdo aspekt të momentit, disa nga ne janë kuriozë të dinë se çfarë ndodh pas aparatit fotografik.
Një prej lexueseve të “Iconstyle”, e cila ndodhet në Itali, na dërgoi disa foto për mënyrën se si u prit Gigi Hadid në vendin e njohur si “La Rinascente”.
Supermodelja ndodhet në qytetin italian për Javën e Modës në Milano, ku edhe është shfaqur në disa sfilata.
Në foto dallohet radha e gjatë e fansave, të cilët janë në pritje të 22-vjeçarjes. Shumë prej tyre mbajnë në duar tullumbace, ndërsa në video shfaqet momenti kur modelja zbret nga makina.
Ajo ndalon për të përshëndetur të gjithë fansat, të cilët e pritën me brohoritje.
Burimi: Iconstyle.al
