Trendi i kohëve të fundit janë flokët e mbledhur në disa topuzë të vegjël. Nëse do ju pyesnim se ku i keni parë fillimisht, shumë prej jush do të thoshin se frymëzim ka qenë këngëtarja e njohur Rihanna. Ajo është një ndër personazhet që ka eksperimentuar shumë me ngjyrat dhe modelet e flokëve.
Megjithatë e para që e ka inauguruar këtë trend në Shqipëri, (përpara se Rihanna të bëhej e njohur) ka qenë këngëtarja nga Kosova, Adelina Ismaili. Këngëtarja stil është shfaqur me këtë look gjatë performancës së saj në Kënga Magjike në vitin 1999. Si gjithnjë ky moment nuk kaloi pa u komentuar dhe pa u vënë re nga publiku shqiptarë.
Por duket se ky model është rikthyer edhe sot. Flaka Krelani ka postuar pak ditë më parë në rrjete sociale një foto me flokët të kapura në disa topuzë të vegjël, shkruan Blitz.
Më vonë do të ishte Ronela Hajati e cila në klipin “Mos ik” shfaqet me këtë model flokësh.
Na duhet ta pranojmë se të gjitha vajzave u shkojnë shumë flokët kështu, duken shumë stil dhe casual edhe pse duhet ta themi se Adelina është ajo që ka guxuar më shumë , jo vetëm me modlein por edhe me ngjyrat.
