Era Istrefi solli këtë të premte klipin e saj të ri “Redrum” që pritet të kthehet , një nga hitet e momentit. Përveç muzikës ritmike dhe tekstit të veçantë, ajo që na ra në sy në këtë klip, ishte look-u i këngëtares shqiptare, i cili ishte kuruar në maksimum.
Në stil dhe veshje, Era Istrefi sjell një sërë trendesh të reja të veshjeve dhe makijazhit, që do të mbizotërojnë këtë vit. Më poshtë mund të shihni 5 trendet e reja të modës , që solli Era Istrefi:
Flokët e gjatë me zgjatim (extension)
Flokët e gjatë janë një nga trendet e momentit, që është sjellë nga femra të njohura të showbiz-it të huaj, Rihanna, Kim Kardashian, Naomi Campbell etj, janë disa nga emrat e njohur, që po e ndjekin këtë trend, tashmë të mbërritur edhe në vendin tonë. Në klipin e ri Era Istrefi vjen me flokët e gjatë , të drejtë , që bien në sy dhe i shkojnë shumë.
Çizmet mbi gju
Çizmet e gjata mbi gju vijojnë të jenë të preferuarat e femrave të ekranit. Këngëtarja Era Istrefi ka zgjedhur dy llojë çizmesh të gjata, një palë lëkurë me platformë dhe me kapje në stil Rihanna dhe një palë të tjera kadife.
Pelushi
Pelushi është në modë këtë sezon dhe kjo nuk ka aspak dyshim. Që nga shapkat me pelush “Puma” të Rihanës , te pelushi jeshil i Kendall , që e veshi për ditëlindje, kjo do të jetë një nga veshjet më me stil të vitit. Në përditshmëri, punë, darkë, apo dhe në evente klasike, pelushi është mjaft praktik dhe të fal klas. Era di si të jetë me klas dhe e risjell për ju në këtë klip.
Ngjyra e kuqe
Ngjyra e kuqe ishte e pranishme në Javët e Modës. NProenza Schouler, Sachin and Babi, Oscar de la Renta, Monse, The Roë, Jason Wu, janë disa nga stilistët që e risollën në pasarela. Era Istrefi shfaqet e gjitha e veshur me të kuqe dhe çdo detaj, që nga bizhutë e deri te makijazhi.
Rripi i mesit
Trendi i rripit të trashë që vendoset në bel dhe që ngjason me një lloj korseje, e risolli në modë Kim Kardashian. Por motra e saj Kylie Jenner , mori qendrën e vëmendjes, duke u bërë një inspirim për këtë stil. Këngëtarja shqiptare Era Istrefi e ka kombinuar me një body të kuqe që i shkon më së miri.
