Është dimër dhe “jetesa” nuk është e lehtë, në kujdesin për flokët, lëkurën dhe thonjtë. Moti i ftohtë dhe mungesa e lagështisë thajnë ajrin, ndërkohë që bëjnë të njëjtën gjë për lëkurën tuaj. Ngrohja e shtëpisë thajnë gjithashtu ajrin, ashtu si dushi i nxehtë apo pastrimi i ashpër.
Erërat e ftohtë, ajri i thatë dhe temperaturat e ulëta mund të ndikojnë keq në lëkurën apo flokët e butë. Për të reduktuar acarimet, skuqjet, kruajtjet dhe për ta mbajtur lëkurën të shëndetshme për këtë sezon, ndiqni këto këshilla.
- Lajeni lëkurën me ujë të vakët, për të shmangur nxjerrjen e vajrave të domosdoshme në fytyrën tuaj me ujin e nxehtë.
- Lyjeni fytyrën menjëherë me një krim kundër tharjes, që të ketë bazën me vaj, se sa me ujë, që të krijojë një shtresë mbrojtëse në fytyrën tuaj.
- Lyhuni me krem mbrojtës nga dielli, pasi rrezet në dimër të kombinuara nga shkëlqimi verbues i borës mund të dëmtojnë lëkurën tuaj. Aplikojeni kremi në fytyrë dhe në duar 30 minuta para se të dilni dhe riaplikojeni sërish nëse qëndroni gjatë jashtë.
- Instaloni një pajisje që mban lagështinë e ajrit në dhoma, pasi sistemi i ngrohjes e thanë atë, vendosini kudo në shtëpi që të ndihmojnë shpërndarjen e lagështisë në mënyrë të barabartë.
- Hidratohuni brenda dhe jashtë, duke ngrënë ushqime me përmbajtje të lartë të ujit që ndihmojnë hidratimin e lëkurës tuaj. Konsumoni mollë, portokall, kivi, perime si domatja, kastravesi dhe karrota, si hani pesh dhe fara liri.
- Bëni maska vetë në shtëpi duke përdorur përbërës natyral hidratues si, mjalti, avokado, kosi, ullir, vaj “jojoba”, vaj bajamesh, banane dhe aloe vea. Përzijini ingredientët që doni dhe përgatisni një krem, të cilin mbajeni 10-30 minuta.
- Pini ujë, pavarësisht se dëshironi të konsumoni të ngrohta. Një gotë uji i ngrohtë me limon mund të jetë freskues dhe hidratues.
