Ka jetuar 73- vite deri tani, por ka edhe shumë suksese për të përjetuar. Robert De Niro është përzgjedhur bashkë me McCaul Lombardi si protagonist i reklamës së re të Ermenegildo Zegna.
Fushata e titulluar “Defining Moments”, përfshin edhe një seri filmash të shkurtër, të xhiruar nga Francesco Carrozzini, që kanë si protagonistë të dy aktorët.
De Niro nuk ka nevojë për prezantime, por nuk është një personazh që jemi mësuar të shohim në fushën e modës. Ndërsa McCaul Lombardi është një aktor i ri , që ka rënë kryesisht në sy në filmin “American Honey” të Andrea Arnold-it në vitin 2016.
