George Clooney foli për herë të parë për lajmin e gëzueshëm që ai dhe bashkëshortja e tij, Amal, janë në pritje të fëmijëve binjakë këtë verë.
Aktori 55-vjeçar u shpreh: “Ne jemi shumë të lumtur dhe të emocionuar. Do të jetë një aventurë. E kemi pritur shumë mirë këtë lajm”.
I ftuar në një program francez, ylli hollivudian tregoi se miqtë e tij janë treguar shumë mbështetës rreth këtij lajmi, pavarësisht se ia kanë bërë pak të vështirë në fillim.
“Ata të gjithë nisën të imitonin të qarat e fëmijëve kur ishim në tavolinë dhe të gjithë qeshnin”.
George dhe Amal do të mirëpresin ardhjen në jetë të një djali dhe një vajze në muajin qershor.
