Këngëtari shqiptar, Ylli Limani ka ndarë për fansat e tij një moment mjaft të veçantë nga familja.
Bëhet fjalë për momentin kur gjyshja e tij e ndjek nga ekrani teksa ai këndon. Me punëdoren karakteristike të gjysheve, të cilën e ka lënë në prehër për një moment, gjyshja e këngëtarit është duke fshirë lotët ndërsa ndjek nipin nga ekrani.
Emocionin e këtij momenti Ylli e ka ndarë edhe me fansat në rrjetet sociale: “Gjyshja qan sa herë më shikon në TV, fansja më e madhe”, shkruan Ylli krah fotos së publikuar në Instagram.
Dashuria e gjysheve për nipërit është e pamasë dhe aq më tepër kur nipi është i suksesshëm, dhe e pëlqejnë të gjithë.
