“Redrum” titullohet klipi i ri që këngëtarja shqiptare Era Istrefi do të publikojë më 24 shkurt, pas më shumë se një viti nga hiti që theu rekorde, “Bon Bon.
Pasi uroi kunatin e saj për këngën dhe klipin e tij të ri “të Dua””, Era ka thënë dy fjalë për fansat, para se “Redrum”” të dalë.
“Jam bërë shumë emocionale kohët e fundit dhe duke kontaktuar me familjen dhe të dashurit e mi. Dashuria është ajo për të cilën kemi më shumë nevojë. Shpresoj që do ta pëlqeni “Redrum” pasi aty është një pjesë e shpirtit tim.
Shpresoj nuk do t’ju zhgënjej duke mos qenë aktive. Do mundohem të punoj sa me shumë për tju sjellë ju muzikë dhe një shije të mirë arti. Por ende e ndjej sikur jam në një punë në progres. Dua t’ju falënderoj që jeni këtu për mua, ju jeni më shumë se aq sa unë tregoj. Shpresoj t’ju jap të njëjtën dashuri që ju më jepni mua. Ju du”, shkruan 21-vjeçarja duke falënderuar fansat.
