Të vishesh për t’u kombinuar me personin tënd të zemrës, duket një hap i rëndësishëm për dikë që ka një stil unik si FKA Twigs.
Robert Pattinson dhe e dashura e tij FKA Twigs u shfaqën në publik si rrallë herë në praninë e njëri-tjetrit. Çifti ishte në tapetin e kuq në premierën e filmit më të ri të aktorit britanik “The Lost City of Z” ku treguan hapur dashurinë e tyre, gjë që nuk bëjnë shpesh në publik.
Prej muajsh Robert dhe këngëtarja britanike, emri i vërtetë i së cilës është Tahliah Debrett Barnett, janë përpjekur të mbajnë jetën e tyre private sa më sekrete. Shikimet, flirtimet dhe përqafimet që ata kanë shfaqur në tapetin e kuq në Londër kanë prekur zemrat e të gjithëve.
Një detaj i rëndësishëm ishte veshja, FKA Twigs u shfaq me një kostum të Givenchy, me pantallona kaubojs dhe dekolte të hapur, ndërsa si detaje ishin dy xhepat e mëdha. Pattinson veshi një kostum klasik nga Dior Homme. Dyshja së bashku të jepnin një ndjenjë hijeshie.
Fansat janë shprehur se lidhja e tij me Kristen Stewart vite më parë duhet harruar apo fshirë nga memoria e publikut, pasi ajo marrëdhënie ishte e shtirur dhe e krijuar vetëm për t’i bërë publicitet trilogjisë së “Twilight”. Tashmë është e qartë se si duket Robert Pattinson i dashuruar!
Burimi: Who What Wear/ Daily Mail
