Pavarësisht famës dhe suksesit në Britani dhe SHBA, këngëtarja shqiptare Rita Ora, nuk e harron vendlindjen e saj. Ajo ka uruar 9-vjetorin e pavarësisë së Kosovës, në mënyrën më të veçantë.
Bukuroshja shqiptare ka postuar një fotografi nga monumenti i pavarësisë Newborn, mbi të cilin ajo qëndroi vite më parë për xhirimet e klipit “Shine Ya Light”.
Në urimin e publikuar në Instagram, Rita Ora shpreh dashurinë ndaj vendit dhe njerëzve, teksa thotë se është krenare që është shqiptare. Rita theksoi se ajo është pafund krenare se sa larg ka shkuar Kosova deri më tani.,
“Urime pavarësia, vendlindja ime Kosovë. Jam krenare për të gjithë ne dhe sa larg kemi shkuar si komb. Krenare që jam shqiptare ❤. Një rikujtim nga një moment në monumentin e pavarësisë gjatë xhirimeve të këngës “Shine Ya Light” shkruar veçanërisht për këtë arsye dhe për të qenit krenare ajo që jam. Ju dua”.
