Bashkëshortja e Blendi Fevziut duhet të ndihet mjaft krenare që ka një partner si ai pranë. Këtë gjë e ka dëshmuar vetë moderatori i emisionit, “Opinion”, i cili ka pësuar një incident të vogël përpara emisionit.
Njëra nga kopsat e kostumit të tij është shkëputur dhe Blendi ka marrë situatën nën kontroll. Në videon e publikuar në profilin e tij në “Instagram”, Blendi shihet duke qepur kopsën e kostumit, edhe pse me pe të bardhë.
Ai filmohet nga një asistente që me sa duket, në vend që ta ndihmojë, kënaqet duke parë moderatorin teksa i del zot vetes.
