Kim Kardashian u ndje bashkëshortja më krenare në botë, kur partneri i saj, Kanye West prezantoi koleksionin e ri Yeezy vjeshtë/dimër 2017.
Ajo nuk mund ta përfaqësonte më mirë markën e tij, se sa të vishte rrobat e dizejnuara Yeezy.
Ylli i “Keeping up with the Kardashians” tërhoqi të gjithë vëmendjen në shfaqjen e modës së bashkëshortit Kanye West, në Nju Jork, e veshur e gjitha në vishnjë.
Si një mbështetëse e madhe e punës së partnerit, Kim mbante veshur një golf vishje pa mëngë që e kishte veshur pa reçipeta, një palë tuta në po të njëjtën ngjyrë dhe çizme me lidhëse.
Veshja më e veçantë ishte një xhaketë sportive e së njëjtës ngjyrë, të cilën ajo e kishte hedhur nën supe. Më sportive se asnjëherë tjetër, Kim shkëlqente me flokët e gjatë dhe makijazhin natyral të mundësuar nga grimieri me origjinë shqiptare, Mario.
Që prej fillimit të shfaqjes, Kim ndau imazhe nga krijimet e Kanye në Snapchat. Të ftuarit mbërritën në Pier 59 në Manhattan dhe shfaqja filloi rreth orës 3:00, me imazhet e modeleve të projektuara mbi një ekran në qendër të pistës.
Atmosfera ishte e errët plotësisht dhe të pranishmit e kanë gjetur rrugën për në vendet e tyre duke përdorur dritën e telefonave.
Ashtu si në sezonin e mëparshëm të Yeezy, Kim u ul në rresht të parë pranë editores së Vogue, Anna Wintour. Të tjerë të ftuar ishin, Kylie Jenner dhe Tyga, të cilët gjithashtu ishin ulur në vend të parë, si dhe Hailey Baldwin, LaLa Anthony etj.
*Shfleto galerinë
