I burgosi, fotoja e të cilit bëri xhiron e rrjeteve sociale duke tërhequr veçanërisht vëmendjen e femrave për tiparet mjaft të bukura, tashmë udhëheq sfilatën e modës të Philipp Plein.
Jeremy Meeks u bë i famshëm botërisht kur fotoja e tij e burgut u bë virale, duke vjedhur zemrat e mjaft femrave. Por pas përfundimit të dënimit me 27 muaj burg për armëmbajtje pa leje, Meeks arriti të nënshkruante një një kontratë me agjencinë e modelingut “White Cross Management”.
Philipp Plein prezantoi dje koleksionin e tij Vjeshtë 2017, në kohë për ditën e Shën Valentinit. Jeremy Meeks hapi sfilatën i veshur komplet me të zeza, pantallonat, xhaketë me zinxhir, çizme dhe xhupin e zi me pelush.
Tatuazhi në formën e lotit në syrin e Jeremy dhe ato te duart dukeshin në pasarelën që u mbajt në Librarinë Publike të Nju-Jorkut.
Të gjitha veshjet përmbanin detaje sensuale, ndërsa ndërthurej shumë mirë atletika, me xhaketat bomber, streçet e lëkurës me joshësen me palltot me pelush, apo zbukurimet me kristale në fustanet e mbrëmjeve.
Meshkujt dhe femrat tregonin anën e tyre seksi, njëkohësisht dhe të egër, ku mbizotëronin ngjyrat e kuqe dhe e zeza.
Ajo që binte në sy ishin modelët aspak të zakonshëm, me piercing, tatuazhe, flokët me ngjyra, apo të shëndetshëm.
18-vjeçarja Sofia Richie, vajza e Lionel Richie, ishte zgjedhur për të sfiluar gjithashtu për Philipp Plein.
Kylie Jenner, Paris Hilton dhe Madonna ishin mes të famshmëve të ftuar, të cilët ishin ulur në radhën e parë.
Burimi: Vogue/Iconstyle
