Një intervistë e këngëtares Enca Haxhia për Prive, është bërë shkas për një zënkë mes saj dhe kreut të grupit OTR, reperi Noizy.
Përgjigja e Encës mbi Universal Music dhe se si ajo u pranua falë forcave të saj dhe stafit në këtë kompani prestigjioze muzikore, e ka nxehur keq Noizy-n, i cili më herët ka treguar se ka qenë ai që e ka futur Encën në këtë kompani.
Në një postim në Instagram, Noizy i thotë Encës se nuk është turp të thuash që më ka ndihmuar grupi:
Ti dhe “stafi” keni hyrë në Universal me forcat e tua? Cili staf? Shoferi i makinës Apo make up artist!? Mos harro se as nuk të njihnin dhe u desh të bisedoja 30 min me to për ty dhe që vendosëm të japim një shans, dhe gjithë kjo bisedë është e inçizuar për prova. Shko thirr gazetarët prap dhe jep intervistë të saktë, pa rrena, se s’ke arsye. Deri atëherë je jashtë grupit OTR”.
Në një përgjigje ndaj këtij statusi Enca thotë se kurrë nuk ka pështyrë mbi pjatën kur ka ngrënë, por nuk ka dashur që t’i mohohen meritat publikisht, siç Noizy bëri në emisionin e Ermal Mamaqit.
Enca shkruan se i ka kërkuar takim privatisht Noizy-t, për deklaratën e tij që e ka futur Encën në kompaninë Universial Music, por ky takim nuk u bë kurrë.
