Maria de Filippi mbetet ikona e televizionit italian. Me stilin e saj të thjesht dhe aspak ekstravagant, moderatorja ka treguar gjithmonë se mund të bësh karrierë edhe me thjeshtësinë tënde.
Ajo është ndër të paktat prezantuese që është e aftë të marrë me vete sukseset e të gjithë programeve televizive të saj. Nuk kishte si te ndodhte ndryshe, ajo po tregon po të njëjtin profesionalizëm edhe në skenën e teatrit “Ariston”, ku është kolegia ideale e Carlo Contit në prezantimin e festivalit të “Sanremo”-s së këtij viti.
Por De Filippi, mbrëmjen e kaluar, në aventurën e “Sanremo”-s ngalli zili tek fansat pasi mori puthjen nga i ftuari i nderit, këngëtari me famë botërore Robbie Ëilliams.
E gjitha kjo ndodhi gjatë intervistës që Maria dhe Carlo po i bënin këngëtarit Robbie në skenën e “Sanremo”-s. Carlo po ndante me publikun emocionet e pjesëmarrjes së Robbie, ndërsa Maria po fliste për vesin që ai ka kur është në skenë.
Gjatë koncerteve ai thërret gjithmonë një fanse dhe e puth atë në buzë. Kaq ka mjaftuar që Robbie William-s t’i rrëmbente puthjen edhe Maria De Filippi-t. Ky gjest bëri që të shpërthente entuziazmi dhe xhelozia e fansave në rrjetet sociale.
